Telefoniese Ondersteuning in Augustus 2026

Gedurende Aug sal telefoniese ondersteuning slegs by Jandri (082) 854-4274 of by Ds Jan Els (083) 329-1007 wees. Dit is weer tyd dat ek en Eugenie vir die kleinkinders in die UK gaan kuier.

Nuwe module - Winkerk 10 Taakregister

Ons het 'n behoefte by gemeentes waargeneem dat hulle 'n stukkie gereedskap soek om te help met die vloei van take wat amptenare moet uitvoer. Hierdie behoefte het dan daartoe gelei dat ons begin het met die ontwikkeling van die Winkerk 10 Taakregister. Hierdie module behoort in Augustus of vroeg in September 2026 vrygestel te word.

Funksies van die Winkerk 10 Taakregister

• Hoe lyk 'n taak?
1. Take kan aan een of meer amptenare toegeken word
2. 'n Taak kan aan een van die volgende kategorieë gekoppel word:
• Algemeen
Algemene take is enige taak wat nie aan enige van die onderstaande kategorieë gekoppel kan word nie.
• Persoonlik
• Die doel van die persoonlike take is om amptenare by te staan met hulle eie organisasie van hulle dag.
• Dit funksioneer dus as 'n persoonlike Taakregister (ToDoList) vir die amptenaar self.
• Persoonlike take word, wanneer die amptenaar in Winkerk inteken op 'n aparte plek, nl. "My Take" afdeling vertoon.
• Amptenare kan in die "My Take" afdeling herinneraars (Reminders) opstel vir enige taak, wat op die skerm in Winkerk op die spesifieke datum en tyd sal verskyn.
• Indien die gemeente ook reeds vir die Winkerk App geregistreer is, kan enige amptenaar, al het die amptenaar nie toegang tot Winkerk 10 nie, toegang kry tot sy/haar eie "My Take" op die Winkerk App.
• Die amptenaar kry ook "Push Notifications" op die Winkerk App.
• 'n Amptenaar kan ook in "My Take" afdeling op die Winkerk App nuwe take opstel, take as afgehandel merk, of nuwe herinneraars opstel.
• Besluiteregister
• Die Winkerk 10 besluiteregister se funksionaliteit kan drasties verbeter word deur besluite ook aan take te koppel.
• Dit het maklik in die verlede gebeur dat daar van besluite vergeet was, omdat daar nie 'n manier was om herinneraars op te stel nie, maar die "My Take" afdeling van die Winkerk 10 Taakregister los nou hierdie probleem op met herinneraars en "Push Notifications" op die Winkerk App.
• Bateregister
Items op die Bateregisters het baie maal aksies wat aan hulle gekoppel is, en wat maklik in die verlede oorgesien was.

Enkele Voorbeelde

1. Brandblussers - moet gereeld nagegaan word
2. Grassnyers - moet gereeld gediens word
3. Kerkgebou - moet geverf word of ander instandhouding moet gedoen word
Stel herinneraars vir wanneer enige taak gedoen moet word.

3. Sperdatums
Amptenare kan baie maklik herinner word aan take wat op 'n spesifieke tyd afgehandel moet wees en sodoende verhoog dit die effektiwiteit van werksaamhede wat deur amptenare uitgevoer moet word. Verslae kan per amptenaar gedruk word of ge-export word na Excel.

Nuwe funksionaliteit op Winkerk Online

Ons het gevoel dat die tyd nou reg is, om te begin navorsing doen oor die moontlikheid om Winkerk sodanig aan te pas dat dit 'n "Ten Volle" aanlyn weergawe kan word. Ons is van mening dat gemeentes se internet oor die algemeen nou al baie beter en meer stabiel is as wat dit so 'n jaar of twee gelede was.

• Gebruikers intervlak
Dit is belangrik dat gebruikers wel deeglik bewus moet wees daarvan die gebruikers intervlak glad nie meer soos Winkerk 10 gaan lyk nie, aangesien web gebaseerde stelsels heeltemal anders lyk en werk.
• Insette van gebruikers
Omdat ons graag wil luister na insette van ons gebruikers wil ons u graag vra om vir ons 'n kort vraelys te voltooi om ons te help met ons beplanning vir die nuwe stelsel.
• Kliek hier om asb vir ons die vraelys te voltooi.

Kaspersky Plus

Dankie aan al die gemeentes wat ons tot op hede ondersteun het deur Kaspersky by ons aan te koop!!
Kliek hier vir meer inligting oor Kaspersky Plus

Winkerk 10 Opleiding.

Soos jy dalk reeds van bewus is, doen ons elke Woensdag opleiding in Winkerk 10. Daar is elke Woensdag 2 sessies, waarvan daar in elke sessie verskillende temas behandel word. As jy nog nie van ons opleiding gedoen het nie, of selfs net lanklaas opleiding bygewoon het, wil ons jou graag aanmoedig om weer vir ons GRATIS opleiding in te skryf. Kliek gerus op hierdie link, of op die prentjie langsaan om in te skryf.

Skryf hier in

Wat is die Winkerk Member Mobile App?

Die Winkerk Member Mobile App (WMMA) is 'n App wat op lidmate se Android of Apple selfone afgelaai kan word, waarmee die gemeente met die lidmate kan kommunikeer. Die volgende aspekte word in die program aangespreek:

• Sien en verander eie inligting wat die gemeente oor jou dra
• Ontvang boodskappe van spesifieke kerkamptenare
• Kommunikeer met lidmate wat aan dieselfde groepe as jy behoort
• Sien die hele gemeente kalender
• Gebruik die Kalender om te versoek om byeenkomste by te woon
• Ontvang gereelde afkondings van die gemeente
• Die App is baie lig op data en battery verbruik
• Die App is tweetalig
• Meer Info

Infokerk Hardeware Afdeling

Ons wil dit graag onder gemeentes se aandag bring dat ons reeds vir 'n aantal jare op 'n baie informele manier Laptops aan gemeentes verkoop het. Ons wil graag as deel van ons herstrukturering van Infokerk ook voortaan op 'n baie meer formele manier Laptops aan gemeentes verskaf.
Hier is 'n kort uittreksel van die dienste wat ons lewer saam met die verskaffing van die laptop.

1. Laptops word landwyd afgelewer.
2. Voordat 'n Laptop aan die gemeente gestuur word, word 'n aantal verstellings aangebring om die laptop optimaal te laat funksioneer. Ons verwyder alle "Bloatware".
3. Alle Windows opdaterings word volledig gedoen.
4. Alle Windows konfigurasies om ons produkte optimaal te laat werk word ook gedoen.
5. Ons installeer ook al die Infokerk sagteware wat die gemeente gebruik en maak seker dat alle Backups herwin is, sodat gebruikers wanneer hulle die rekenaar ontvang net kan begin werk.
6. Ons installeer ook behalwe die Infokerk sagteware wat gemeentes gebruik, 'n "Basiese werkspakket" met verskillende Nutsprogramme, soos bv. 'n .PDF leser, Teamviewer en Zoom.
7. Indien die gemeente Kaspersky by ons aangekoop het, word dit ook geïnstalleer en gekonfigureer. 

Telefoniese Ondersteuning - Teamviewer

Ons wil dit graag onder gemeentes se aandag bring dat ons slegs Teamviewer gebruik om op gemeentes se rekenaars aan te teken. Daar is deesdae 'n tendens onder rekenaarwinkels en ander IT personeel om van AnyDesk gebruik te maak, hoewel ons al Teamviewer gebruik vir baie jare voordat AnyDesk nog op die mark was. Beide Teamviewer en AnyDesk moet aangekoop word deur die instansie wat die ondersteuning verskaf, en ons het net 'n lisensie vir Teamviewer aangekoop. As jy nie Teamviewer het nie, kan jy op die Onderstaande "Link" of die Teamviewer Logo kliek om dit af te laai.

Laai Teamviewer hier af