Kantoor-ure Des 2024

Woord van dank
Dankie aan al die gemeentes wat ons die afgelope jaar ondersteun het met die gebruik van ons produkte. Ons vertrou dat u ook lekker met die programme gewerk het en dat dit u werk in die gemeente kon vergemaklik.
Kantoor-ure
Ons kantoor sluit amptelik Vrydag 6 Desember 2024 en sal weer heropen op Maandag 13 Jan 2025. Ons wil u graag 'n baie geseënde Kerstyd toewens en mag u en u gemeentes werklik die volle seën van Kerstyd ervaar. Indien u ons dringend sou benodig kan u vir my of vir Jandri 'n WhatsApp stuur. Ons sal so gou as wat dit moontlik is, u probeer antwoord.

Jan: 082 457-0456
Jandri: 082 854-4274

SMS Aankope
Ons wil gemeentes wat SMS'e moet aankoop vriendelik versoek om, indien moontlik, voor die vakansie die SMS'e aan te koop, maar sou u gedurende die vakansie wel SMS'e moet aankoop, moet u asb ten minste drie dae voordat u dit nodig het, dit aankoop om ons genoeg tyd te gee om dit vir u toe te ken.

Kaspersky Plus

Dankie aan al die gemeentes wat ons tot op hede ondersteun het deur Kaspersky by ons aan te koop!!
Kliek hier vir meer inligting oor Kaspersky Plus

Gemeentes met Windows 7 Rekenaars

Soos julle dalk mag weet het ons reeds in 2015 dit onder gemeentes aandag gebring dat Microsoft amptelik op 13 Jan 2015 hule "Mainstream Support" vir Windows 7 gestaak het. Die "extended support" vir Windows 7 is amptelik gestaak op 14 Jan 2020. Dit beteken dat dit nou al meer as 4 jaar is, wat Microsoft nie meer Windows 7 ondersteun nie.

Ons het onlangs 'n noodsaaklike opgradering op Winkerk 10 uitgegee, wat veroorsaak dat Winkerk 10 op sekere Windows 7 rekenaars nie meer werk nie.
Vir Winkerk 10 om op Windows 7 te kan werk sal dit nodig wees dat die Windows 7 opgegradeer moet wees tot op "Windows 7 - Service Pack 1"

Gemeentes se IT personeel behoort instaat te wees om 'n Windows 7 rekenaar, wat nie SP 1 op nie, te kan opgradeer, maar dit is ongelukkig meestal nie moontlik nie, en daarom wil ons gemeentes wat nog Windows 7 op hulle rekenaars het, baie sterk aanmoedig om dit te oorweeg om nuwe rekenaars met Windows 11 op te kry.

Soos u dalk reeds weet verkoop ons ook amptelik nou Laptops aan gemeentes. Kontak gerus vir Jandri by (082) 854-4274 vir 'n kwotasie. Sien meer inligting

Winkerk 10 Opleiding.

Soos jy dalk reeds van bewus is, doen ons elke Woensdag opleiding in Winkerk 10. Daar is elke Woensdag 2 sessies, waarvan daar in elke sessie verskillende temas behandel word. As jy nog nie van ons opleiding gedoen het nie, of selfs net lanklaas opleiding bygewoon het, wil ons jou graag aanmoedig om weer vir ons GRATIS opleiding in te skryf. Kliek gerus op hierdie link, of op die prentjie langsaan om in te skryf.
LW: Ons opleiding vir 2024 sluit amptelik af op Woensdag 20 Nov 2024 en sal eers weer in Feb 2025 hervat word.
Skryf hier in

Wat is die Winkerk Member Mobile App?

Die Winkerk Member Mobile App (WMMA) is 'n App wat op lidmate se Android of Apple selfone afgelaai kan word, waarmee die gemeente met die lidmate kan kommunikeer. Die volgende aspekte word in die program aangespreek:

• Sien en verander eie inligting wat die gemeente oor jou dra
• Ontvang boodskappe van spesifieke kerkamptenare
• Kommunikeer met lidmate wat aan dieselfde groepe as jy behoort
• Sien die hele gemeente kalender
• Gebruik die Kalender om te versoek om byeenkomste by te woon
• Ontvang gereelde afkondings van die gemeente
• Die App is baie lig op data en battery verbruik
• Die App is tweetalig
• Meer Info

Infokerk Hardeware Afdeling

Ons wil dit graag onder gemeentes se aandag bring dat ons reeds vir 'n aantal jare op 'n baie informele manier Laptops aan gemeentes verkoop het. Ons wil graag as deel van ons herstrukturering van Infokerk ook voortaan op 'n baie meer formele manier Laptops aan gemeentes verskaf.
Hier is 'n kort uittreksel van die dienste wat ons lewer saam met die verskaffing van die laptop.

1. Laptops word landwyd afgelewer.
2. Voordat 'n Laptop aan die gemeente gestuur word, word 'n aantal verstellings aangebring om die laptop optimaal te laat funksioneer. Ons verwyder alle "Bloatware".
3. Alle Windows opdaterings word volledig gedoen.
4. Alle Windows konfigurasies om ons produkte optimaal te laat werk word ook gedoen.
5. Ons installeer ook al die Infokerk sagteware wat die gemeente gebruik en maak seker dat alle Backups herwin is, sodat gebruikers wanneer hulle die rekenaar ontvang net kan begin werk.
6. Ons installeer ook behalwe die Infokerk sagteware wat gemeentes gebruik, 'n "Basiese werkspakket" met verskillende Nutsprogramme, soos bv. 'n .PDF leser, Teamviewer en Zoom.
7. Indien die gemeente Kaspersky by ons aangekoop het, word dit ook geïnstalleer en gekonfigureer. 

Telefoniese Ondersteuning - Teamviewer

Ons wil dit graag onder gemeentes se aandag bring dat ons slegs Teamviewer gebruik om op gemeentes se rekenaars aan te teken. Daar is deesdae 'n tendens onder rekenaarwinkels en ander IT personeel om van AnyDesk gebruik te maak, hoewel ons al Teamviewer gebruik vir baie jare voordat AnyDesk nog op die mark was. Beide Teamviewer en AnyDesk moet aangekoop word deur die instansie wat die ondersteuning verskaf, en ons het net 'n lisensie vir Teamviewer aangekoop. As jy nie Teamviewer het nie, kan jy op die Onderstaande "Link" of die Teamviewer Logo kliek om dit af te laai.

Laai Teamviewer hier af